日本便利店打工或可獲居留工作簽證！擬將便利店列為「特定技能」

早前日本政黨嘅「外籍勞工特別委員」，建議將便利店列入「特定技能」。如果獲接納，外國勞動者喺便利店打工就可申請工作簽證，居住滿足夠年期後可申請永久居留權！

日本政府為解決人口老化等問題，吸納大量外國勞動者來日工作，於是新增「特定技能」工作簽證，有14種人手嚴重短缺嘅行業，外國人可申請工作簽證前往日本工作。

Photo from FamilyMart

14種行業包括：護理、農業、漁業、航空、住宿、食品業、外賣餐飲業、電子產業、建設、造船、打理建築物、機械製造業、汽車保養、素材，只要居住滿足夠年期，就可申請永久居留權， 更可連同配偶、子女居住於日本。

今次日本自民黨「外籍勞工特別委員」，建議將便利店列入「特定技能」，並於下年4月加入政府政策內。

Photo from HolidaySmart

一旦建議獲通過，喺便利店打工嘅外國人就可以獲得工作簽證，喺日本居留。

Photo from Lawson

事實上，日本唔少便利店都聘請好多留學生做兼職，申請工作簽請都係其中一個移民日本嘅方法！

資料來源：朝日新聞

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）