端午節假期有雨落！周末天氣轉好 下星期連續3日落雨！

嚟緊就係端午節喇！大家終於有一日公眾假期，不過根據天文台天氣預報，聽日同後日都會落雨。到周末天氣會轉好，不過下星期又會連續三日有雨落！大家出門記得帶返把遮！

明日係端午節，有一日公眾假期，可能好多人會趁住難得嘅假期出門活動，不過天文台天氣預報顯示，6月25日（星期四）短暫時間有陽光，有幾陣驟雨。局部地區更有雷暴。

Photo from HolidaySmart

6月26日星期五同樣有幾陣驟雨。不過星期六起，天氣會回復天晴。

去到6月30日星期二，又會再次落雨，部分時間有陽光，有一兩陣驟雨。然後連續三日都有雨。

Photo from 天文台

7月1日（星期三）都係公眾假期，當日短暫時間有陽光，有幾陣驟雨。到下星期四（7月2日）都有幾陣驟雨。

Photo from HolidaySmart

氣溫方面，未來幾日無咩太大變化，都係維持喺27~32度左右。

Photo from 天文台

大家如果出外，最好帶定把遮，同做好防曬準備呀！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）