4小時西貢夜釣墨魚 ！夏日出海精選 即場烹煮「戰利品」

夏日炎炎，又是水上活動的旺季啦！現時正值釣墨魚的季節，當然要約朋友們夜遊出海啦！今次記者跟一大班朋友，參加西貢夜釣團，落海實試釣墨魚！到底收獲豐不豐富呢？又有甚麼「chok」技呢？立即出海！

今次記者在西貢上船，船家指只需15-20分鐘就會出到海中心，到達海中心後，會有專人教導你「Chok」技。大家將會分配到釣墨魚工具，釣墨魚工具非常簡單，只要魚絲加八爪鉤。專人指，其實釣墨魚的技巧非常簡單，只需將八爪鉤放下海，放下水深大概3至4米，手部向上「Chok一Chok」即可。不過建議大家不用經常大力「Chok」，每次只需輕輕用力Chok一兩下即可。

之後船家會安排大家去到船身有大燈的地方，因為墨魚喜歡追光，所以墨魚數量都會特別多。記者和朋友在開始大概半個鐘頭，已有墨魚上釣，更加非常大隻，肥肥白白！

釣到攰，船上更會提供飲品和美食，每次船上美食都未必相同，今次就有蜜糖雞翼、雞串、櫻花蝦炒飯、泰式魚餅、生果杯、意式奶凍，非常豐富。大家都可以入船內坐一坐再戰鬥！

由上船時間晚上7時，釣到大概10點半，活動就會完結，在駛回碼頭的路上，釣不到墨魚的朋友仔，同樣有船家即炒的墨魚，可以好好品嘗墨魚的鮮味，如果想把墨魚戰利品帶回家，負責人會將你的戰利品打包，讓客人可以回家烹煮！

記者感想：

「釣墨魚可以話係一個考驗大家耐性的活動，其實所需要的技巧不多，不過建議可以把魚勾放深少少，似係釣到機會會比較大。在釣墨魚的途中，會見到好多墨魚在海面飄浮，令人重拾鬥志，不過多數都釣唔到水面的墨魚。」

Oceangogo釣墨魚團：
收費：西貢區
星期一至四 (非假日及假日前夕) HKD 4,600 / 15位 其後每位 $288
星期五至日(假日及假日前夕) HKD 6,040 / 20位 其後每位 $288
市區：
墨魚包船 HKD 8,640 / 30位 其後每位 $288
查詢：+852 9792 9390 (Terence)
Facebook：https://www.facebook.com/oceangogohk/

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）