Hotel ICON榴槤自助餐！任食3小時 歎黑刺/柔佛黃金

Hotel ICON榴槤自助餐一向受歡迎，馬來西亞榴槤節今年再度回歸，早前於8月份一連四個週日供應，今次加開最後一場，任食15款榴槤小食及甜品，以及歎到馬來西亞榴槤拼盤，入座後每人一份，一次試勻小甜甜、黑刺、柔佛黃金、貓山王等極罕品種，榴槤迷把握機會！

Hotel ICON馬來西亞榴槤節今年再度回歸，早前於8月份一連四個週日供應，今次加開最後一場！3小時任食以榴槤入饌的鹹甜點，另外更有冰鎮海鮮、刺身、檳城喇沙、福建肉骨茶和椰漿飯等招牌菜式。

是次自助餐可一次試勻小甜甜、黑刺、柔佛黃金、貓山王等5款品種，入座後每人一份，簡直是榴槤迷天堂。

本年度特別推介D88小甜甜，產量較少，味道清香微甜，質感細滑。D101柔佛黃金果肉呈橙色，口感柔滑易入口，富有層次感。D24果肉厚實呈奶白色，甜味適中，味道較為濃烈。D197貓山王果肉金黃飽滿，質感綿密軟糯。D200黑刺果殼硬實帶黑色刺針，清甜香醇，記者最愛！

Hotel ICON糕餅行政總廚何維城師傅（Danny Ho）為今年榴槤節精心設計多款創意甜品，絕對能滿足各位粉絲！

特別推介馬來西亞的傳統糕點藍花榴槤糯米糕，口感煙韌軟糯；班蘭榴槤椰子蛋糕濕潤富有層次；榴槤椰子布甸用上椰糖，食落滑溜，甜而不膩。

鹹點則有榴槤娘惹泡菜、榴槤焗釀鮮蟹蓋、百合雪棗榴槤燉土雞、金絲果皇龍鳳卷配榴槤沙律醬、酥脆榴槤魷魚、榴槤避風塘豆腐、榴槤麥片蝦、榴槤流心芝士雞、榴槤漢堡2.0、D101榴槤芝士鳯尾蝦等，選擇豐富。

場內除了供應自助餐外，更可透過互動問答及專題攤位贏取榴槤主題紀念品，多份紀念品包括原個馬來西亞直送貓山王榴槤、「FORBIDDEN 馥餅殿」D24 榴槤蛋捲及榴槤冰皮月餅，大家食得開心又有禮物帶回家，榴槤迷不要錯過喔！

唯港薈馬來西亞榴槤節2020
供應地點：唯港薈Silverbox 宴會廳
供應地址：尖沙咀科學館道17 號唯港薈1樓Silverbox宴會廳
日期：9月20日（日）
時間︰11:45am-3pm
價錢︰$598/成人、$408/兒童（3至11歲）
查詢：3400 1388或 book.restaurant@hotel-icon.com
備註：價錢需另收加一服務費

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）