《挑戰者1號》事隔9年今年底將推出小說續集《挑戰者2號》！

時事熱話生活熱話電視電影娛樂新聞

By Ivory on 10 Jul 2020

Digital Editor

拍着照片，一路同步坦白流露，感情和態度。其實人生並非虛耗！

《挑戰者1號》喺2018年一上映，就旋即成為網民熱話！電影入面向多部電影致敬，如《閃靈》、《哥斯拉》、《高達》、等，而且佈滿彩蛋！有消息指，只係買版權都用上3年時間先完成，可見大導演史提芬史匹堡嘅用心！

Photo from 《挑戰者1號》 IMDB

電影要拍得好，都要劇本/小說寫得好～根據外國媒體Hollywood Reporter報導，《挑戰者1號》將會喺今年11月24日推出續集小說《挑戰者2號》！但小說內容仍然係保密階段，小編會mon實最新動向，為大家update!

Photo from Hollywood Reporter

《挑戰者1號》作者Ernest Cline喺2011年完成《挑戰者1號》嘅小說，事隔9年後，終於出續集，重踏「綠洲」（oasis）！早喺2018年《挑戰者1號》電影上映後，大導演史提芬史匹堡預告正等待作者完成續集小說後，就會著手開拍續集電影！佢曾經喺日本宣傳《挑戰者1號》嘅時候，向日本粉絲表示：「續集一定會有超人」各位粉絲們要等多陣啦～

Photo from 《挑戰者1號》 IMDB

Photo from 《挑戰者1號》

Photo from 《挑戰者1號》 IMDB

《挑戰者1號》背景設定喺2045年，當時所有人都沉迷喺虛擬現實遊戲世界「綠洲」（OASIS）入面，而遊戲製作者Halliday喺遊戲收埋咗個神祕彩蛋，第一個搵到彩蛋嘅玩家將可獲得「綠洲」嘅經營權同Halliday嘅5,000億美元遺產作為獎賞。

Photo from 《挑戰者1號》 IMDB

各地網民都對呢套戲嘅譯名都有唔同意見！第一部小說名為《Ready Player One》，台灣譯名就叫做《一級玩家》、中國則翻譯成「頭號玩家」；但續集小說叫《Ready Player Two》，就會翻譯成「二級玩家」、「次級玩家」、「二號玩家」，予人有次一等嘅感覺。亦有當地網民指呢個譯名，有貶義成分～所以，都係香港譯名較為精準！