牛角/溫野菜自備餐盒外賣優惠！最低可享6折！減少製造塑膠垃圾

香港爆發第三波疫情，政府宣布禁止晚市堂食（按此：限聚令最新安排），餐廳於每日晚上6時至翌日早上5時僅可提供外賣。叙福樓集團主席黃傑龍宣布旗下餐廳：牛角、溫野菜、和平飯店等推出外賣優惠，自備餐盒最低可享6折！

叙福樓集團主席黃傑龍喺Facebook中表示停止堂食，相信會令外賣需求激增，擔心會製造大量塑膠垃圾。所以決定全線38間分店嘗試推行全新外賣方式。

每日下午5點起顧客可以撳飛進入餐廳，一人一檯安坐，點選食品並等候外賣，善用店內空間增加社交距離。

（更新：黃傑龍喺Facebook指收到食環署通知，表示經過諮詢律政司，6pm後容許客人進入餐廳等外賣屬違法，宣布即時取消相關安排。）

Photo from 黃傑龍 Simon - 窮富翁 好人好事

顧客進入餐廳需要先探熱，並且必須全程帶口罩，餐廳唔會提供茶水。

Photo from 黃傑龍 Simon - 窮富翁 好人好事

而餐廳會為自攜餐盒嘅顧客提供折扣，每個品牌嘅自備餐盒外賣優惠都唔同，最低可享6折！

Menu及優惠（可左右滑動）：

如果選擇各大平台送餐，或者網上外賣自取平台都無法享有自攜餐盒優惠，會用返一次性外賣盒。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）