馬國明湯洛雯大晒恩愛！靚湯IG將馬明最愛著上身！男友秒留心心眼

馬國明同湯洛雯上月公開戀情後愛得高調，不時喺社交網站大方留言互動，靚湯更將「馬明最愛」唐老鴨著上身！男友即刻留下3個心心眼！超閃！一眾網友都要戴返副超。

上個月馬國明同湯洛雯齊齊喺Instagram公開戀情，當時馬明都係開咗IG幾日，有指佢係為咗女友先開IG。

兩人分別以「小馬」同「獨角獸」自比，不時喺IG留言互動，大晒恩愛！

今日「靚湯」湯洛雯就喺IG post咗3張相，佢著住可愛嘅卡通T-shirt，原來件衫另有玄機！

馬國明曾喺J2節目《兄弟幫》上透露好中意唐老鴨，家中更有過萬件唐老鴨藏品，另一嘉賓陳偉霆問馬明，會唔因為唐老鴨放棄女朋友，馬明仲毫不猶豫答：「都好大機會。」馬明又表示：「諗唔到有乜原因佢（女朋友）唔接受唐老鴨。」

靚湯著上比女友有更高地位嘅唐老鴨，男友馬明即刻留返3個心心眼，表示愛意。

隨後兩張相，馬明都有留言，其中一張佢更點出：「鴨....」靚湯回：「其實鴨係識游水嘅...?」

雖然話唐老鴨係馬明最愛，但見到女友美照，馬明：「??…?????」表明眼中只見到代表「獨角獸」嘅靚湯，好sweet！

網友都畀佢兩個閃親！真係要戴返副超先得～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）