馬浚偉北大碩士畢業後繼續攻讀浸大中醫課程！自我增值考咖啡師牌

馬浚偉早前修讀北京大學碩士課程成功畢業！佢並未就此停步，將於9月份就讀香港浸會大學中醫學院兩年課程，12月再讀短期兒童心理學課程，佢今年雖然49歲，但一直堅持自我增值。

馬浚偉外表童顏，但原來今年已49歲！呢兩年佢專注學業及舞台劇，甚少出演電視劇或節目。

Photo from 馬浚偉微博

佢早前讀畢北京大學碩士課程，但原來碩士課程並非佢嘅終點，佢嚟緊9月會就讀香港浸會大學中醫學院兩年課程！佢曾提到：「我學醫，不是為成醫，而是為成全！」

Photo from 馬浚偉微博

佢指自己12月仲有一個短期兒童心理學課程要上，其實佢一直都堅持自我增值，充實自己。

馬浚偉熱愛咖啡，特登報讀咖啡課程，更考獲優異成績，取得證書。

Photo from 馬浚偉微博

喺電影方面，佢亦學習全面實戰電影攝影技巧同相關學問，目的係希望成為一個懂電影攝影同電影剪接嘅導演，佢又話：「要學多久我不在乎，反正我會一直學！」

Photo from 馬浚偉微博

一直挑戰自己，真正演繹「學海無涯」4個字！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）