BNO移民英國特別簽證明年1月起開放申請　一文睇晒6大申請條件及資格

By Celia on 23 Jul 2020

Digital Editor

世界很大，生命很短，做自己就好！

早前英國外相Dominic Raab就宣布向300萬有資格申請BNO嘅港人提供取得公民資格途徑，並兌現對英國國民海外護照（BNO）持有人嘅承諾。而喺 22 日英國就正式公布持有 BNO 護照嘅港人，由明年1月起可以申請特別簽證留英，並最多於英國逗留5年，之後可申請居留權。

BNO懶人包：續領申請｜副簽方法｜寄文件教學｜遺失補領｜快遞比較｜英國買樓比較

英國政府喺當地時間 22 日就宣布推出新簽證「Hong Kong BN(O) Visa」，而依張新嘅Visa將會由2021年1月起，開放畀持有BNO嘅港人申請，申請人可於英國或英國以外地區生活，並最多可在英國逗留5年，之後可申請居留權。當中包括12個月內最多可離開英國180日。

Photo from gov.uk

據官方指，持BNO人士及其近親可透過網上、英國國內或國外申請此特別簽證可。當中BNO持有人近親包括配偶、民事伴侶、未婚伴侶、子女（首次申請時未滿18歲）以及其他高度依賴嘅家庭成員。

申請人可選擇分開2次每次30個月嘅居留，或單次性居留5年，喺居留期內有權工作及讀書，但於此期間內並不可獲得社會福利及免費使用國民保健服務。

申請人於英國居留滿5年後便可申請定居身份（settled status），再定居1年後，即可正式申請成為公民。而喺居英期間，12個月內最多可離開英國180日。

Photo from PressLogic

咁有咩申請條件？！英國就喺官方網站中列出6大申請條件：

。須證明自己為BNO持有人
。於香港居住
。證明自己和任何家屬財政至少能喺英國生活6個月（需付有關證據證明）
。展示出願意學習英語嘅意願
。取得由英國內政部認可診所發出之結核菌素皮膚測試（ tuberculosis (TB) test certificate ）證書
。繳付有關費用及移民健康附加費（immigration health surcharge）

Photo from HolidaySmart

另外，唔少人都會關心一個問題，就係......咁至於1997年7月1日或之後出世，又已過18歲嘅人點？英國亦有就此表示，原本喺 1997 年 7 月 1 日或之後出世，又已過 18 歲嘅人士係唔屬於認可親屬類別，亦無法申請BNO，但當地政府表示唔希望睇見家庭分離，因此依款情況將會酌情處理，如申請人嘅父母其中一方持有BNO並一同申請前往英國，將可視被視為受撫養子女。