三浦春馬死因與母親有關？朋友爆早於10年前已有隱退想法

日本男星三浦春馬7月18日於住所輕生離世，終年30歲。友人指佢於4年開始酗酒，亦早喺10年已想隱退，離開演藝圈，但佢母親反對，最終說服三浦春馬打消隱退念頭。

日本男星三浦春馬7月18日於住所輕生離世，終年僅30歲。喺佢住處發現有寫下「好想死」字句嘅日記。

關於三浦春馬嘅死因眾說紛紜，有人指佢係因為網路欺凌，但其朋友卻爆料佢於4年前開始酗酒，或與其母親有關。

三浦春馬出生於單親家庭，父母喺佢小學就離婚，佢由母親一手撫養長大，初中時母親同繼父再婚，經營起居酒屋與食堂。

三浦春馬17歲主演《戀空》後，名氣、收入都大大提升，之後接連出演多套電視劇、電影。

不過對於一個未夠20歲嘅少年嚟講，龐大工作量令佢吃不消，佢曾向朋友表示記唔到台詞，想逃跑返故鄉茨城，專心務農過返啲簡單嘅生活。

但三浦春馬母親反對佢隱退嘅想法，不停說服佢，最終三浦春馬都係打消隱退念頭。

據日本媒體報道，三浦春馬母親3年前突然離家出走，繼父都搬走咗。家中經濟由三浦春馬承擔，最近佢甚至幾乎同母親斷絕聯絡。

友人又指佢約4年前曾向經紀公司表達想辭職，亦由嗰時開始，三浦春馬飲酒量漸漸增加。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）