《東張西望》主持戴透明口罩亮相引熱議！可以重用 售約港幣$75

早前確診歌手施匡翹曾到訪TVB，電視城即關閉兩日作消毒。《東張西望》主持區永權同陳貝兒更以「透明口罩」亮相節目，佢哋表示口罩係日本最新出品，可以阻擋飛沫又方便出鏡。呢款透明口罩可以重用，約售港幣$75。

歌手施匡翹及其宣傳人員確診前曾到訪TVB電視城，TVB關閉兩日消毒，更於錄影廠外設消毒機，等一眾工作人員錄影前先行消毒，以策安全。

Photo from 區永權IG

而8月3日播出嘅《東張西望》，兩位主持人區永權同陳貝兒更戴上「透明口罩」主持節目。

Photo from 陳貝兒IG

佢哋表示：「今日我哋都戴咗日本最新出品嘅立體透明口罩，方便出鏡之餘，亦可以阻擋飛沫。」引嚟熱議，大家都想知道呢款透明口罩喺邊度買。

Photo from 區永權IG

連宋熙年都留言：「can you breath?」區永權回話：「可以」

日本有一款差唔多嘅口罩，名為「GH05T マスク（組立式透明立体マスク）」，有S、M、L 3個size。

Photo from 株式会社フラットビットスタジオ

售價為1,000円（約港幣$75），標榜口罩可重用、阻隔飛沫，而且唔貼面，唔會焗。

Photo from 株式会社フラットビットスタジオ

按此：官網連結

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）