冇得飛又心思思想去旅行！？整理照片/發掘其他興趣/建立旅行基金　Lonely Planet 10招解旅行癮

旅遊業可以話係唔少國家嘅重要產業，但自新冠肺炎爆發而嚟，各國為咗保障國民嘅健康，紛紛推出封關嘅抗疫措施，令零售業、旅遊業及航空業大受影響。而喺依個喺短時間內都冇可能再去旅行嘅情況吓，除咗睇吓舊嘅旅行之外，又仲有咩方法可以減輕旅行癮呢？！

早前全球最大旅遊網站 Lonely Planet 就整合咗逾 300 位旅遊專家教大家10招解旅行癮方法！

Photo from shutterstock

1.整理旅行照片

之前去旅行一定影咗唔少相，但每次去完返嚟就總會有千萬個藉口話自己冇時間整理相片，咁不如趁依個未有得去旅行嘅時候，好好整理吓依啲相，喺整理嘅同時仲可以畀自己嚟一場視覺旅行，舊地重遊添！

Photo from shutterstock

2.本地遊

喺依個短時間內都冇得飛嘅情況下，不如好好探索一個依家住緊嘅城市呀！可能你會發現到一啲明明就喺自己附近但你又完全未去過嘅新地方。

3.喺唔同嘅時間欣賞自己的城市

人會變，環境都會變，每個地方只要你去嘅時間唔一樣，所見到嘅景色都會有所唔同。

Photo from shutterstock

4.建立旅行基金

擬定/修改未來旅行計劃，將本來用作旅行之用嘅錢存起，作為日後嘅旅行基金，令之後嘅旅行資金更充裕。

5.自我增值

喺等待世界回復正常嘅時候，不如趁有時間學習不同嘅語言或為計劃中嘅行程作準備。

6.發展其他興趣

將空出嚟嘅時間發展自己另一方面興趣，總比成日睇到平機票感嘆冇得飛好。

7.接受全球旅行習慣已經改變

唔少專家都認為今次嘅疫情可能需要 1 至 2 年先可以恢復正常。而喺咁長時間冇得去旅行嘅情況下，就有心理學教授提出過喺未來大家都要做好準備，旅行嘅方式與同以前完全唔同。

Photo from shutterstock

8.與世界各地的外國人聯絡

當喺全球限制出入境嘅情況，不妨同海外嘅朋友多喺網上見面，保持兩地嘅交化交流。

9.幻想未來旅行嘅得著

計劃好未來嘅旅行，了解自己去依個地方嘅目的，令旅程嘅規劃厭完善。

Photo from shutterstock

10.覺得可以去旅行係一種幸運

正正喺依個時候，更會令你意識到旅行其實一種特別嘅經歷，而唔係每個人都可以去旅行，令自己為此感到幸運。

雖然現時仲未知幾時先可以飛得番，但以上依 10 個止癮方法都可以一次，特別喺「整理旅行照片」，整理之餘又可以嚟一場視覺旅行，都幾好呀！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）