李燦森晒與吳亦凡吳建豪合照！吳彥祖留言：佢哋係邊個？

男神吳彥祖近年集中於家庭方面，間唔中都有拍電影。吳彥祖少去內地發展，不過都有上大陸綜藝節目。李燦森喺IG晒出同吳亦凡、吳建豪嘅合照，估唔到吳彥祖竟然唔識佢兩個！

今年46歲嘅吳彥祖近年長居美國，好少喺香港見到佢。佢亦甚少喺螢幕前現身。

Photo from 吳彥祖微博

佢雖然唔喺內地發展，但都有出演大陸綜藝節目《漂亮的房子》。

Photo from 吳彥祖IG

李燦森喺Instagram post出同吳亦凡、吳建豪嘅合照。

吳亦凡韓國男團EXO出身，退團後回中國發展，以「製作人」身份參加《中國新說唱》，並以「你有freestyle嗎？」、「skrrrr」為人所知。

Photo from 吳亦凡IG

而吳建豪之前所屬台灣組合F4，參演過台劇《流星花園》，近年亦出演多套大陸劇。

不過甚少接觸內地娛樂圈嘅吳彥祖竟然「唔識」佢兩個！男神喺李燦森IG留言：「Who are those guys?」

Photo from 李燦森IG

有唔少網友即刻幫手「認人」，話返畀佢知。有人指佢哋三個都姓吳：「WU . WU . AND WU」

Photo from 吳彥祖微博

其實吳彥祖之前都同佢哋影過相，今次可能係搞下笑都唔定～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）