日本動畫公司開Youtube頻道！宮崎駿/怪醫黑傑克/阿童木等 有中文字幕！

日本動畫公司將開設Youtube頻道，播放各大動畫公司旗下動畫，包括宮崎駿嘅動畫、手塚治虫作品怪醫黑傑克、阿童木等，仲會有中文字幕添！大家以後可以喺Youtube免費睇日本動畫喇！

日本幾間動畫公司，包括東映動畫、講談社、日本動畫公司 Nippon Animation、手塚製作公司、株式會社小學館等，喺YouTube上開設咗一個頻道。

Photo from AnimeLog アニメログ

該頻道名為「AnimeLog アニメログ」，目標係喺2022年有30家動畫公司提供3,000部動畫作品，每月觀看次數達到3億。

現時頻道有手塚治虫作品《怪醫黑傑克》、宮崎駿作品《高立的未來世界》等動畫播出。

Photo from 《怪醫黑傑克》

Photo from 《高立的未來世界》

頻道目前嘅主要受眾係日本本土觀眾，但計劃將來會為海外觀眾提供英文、中文字幕。

Photo from AnimeLog アニメログ

據知未來會有手塚治虫另一作品《小飛俠阿童木》喺頻道播出。

Photo from 《小飛俠阿童木》

雖然香港觀眾依家仲未睇到上架嘅動畫，但相信將來加咗中文字幕後大家就可以喺Youtube免費睇日本動畫喇！

按此：AnimeLog アニメログ 頻道

資料來源：Yahoo News、Variety

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）