葉璇自爆食二手飯舊片突爆紅 獲內地網民讚美珍惜食物

今年40歲嘅葉璇北上發展多年，近日佢自爆食二手飯嘅片段突然被翻出，片段係佢自己上載喺內地網站「Bilibili」，適逢內地最近提倡「惜食」，葉璇呢條舊片即獲內地網民大讚佢珍惜食物。

葉璇今年40歲，自2004、2005年起就北上發展，拍攝多套大陸劇。

Photo from 葉璇微博

葉璇家境唔錯，爸爸係美國房地產商人，據報佢父親身家總值超過10億人民幤，佢自細移民去紐約，參選國際華裔小姐奪冠入行。

Photo from 葉璇微博

近日佢嘅一段舊片突然變紅，原因係內地最近提倡「惜食」，唔好浪費食物，而葉璇呢段片正乎合此理念。

Photo from 葉璇微博

條片名為「吃別人桌上的剩菜不對」，係2020年6月27日上載至「Bilibili」網站，至今已有12.4萬播放數、2189彈幕。

Photo from Bilibili @演員葉璇

片段中葉璇指自己一次去高級西餐廳食飯，佢觀察到隔離枱嘅食客食剩好多餸就唔食，離開餐廳。

Photo from Bilibili @演員葉璇

葉璇表示隔離枱食客嘅蔬菜、洋蔥，全部都無掂過：「我雖然有點飽，但問店員可不可以吃他們的洋蔥。」

Photo from Bilibili @演員葉璇

店員指可以送新嘅食物畀佢，但佢拒絕：「我不是想吃這個，只是看到這些他們完全沒動，感覺很浪費。」，葉璇認為好多地方嘅人連飽飯都無得食，覺得咁浪費唔好。

Photo from 《封神榜》

佢又話同佢同枱食飯嘅朋友對此好抗拒，佢重申唔係鼓勵大家食其他人嘅剩餸：「會有口水，我是一直觀察他們放在邊上。」

Photo from 《再生緣》

大部分內地網民再翻出呢段舊片，大讚葉璇珍惜食物。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）