人氣必試！台灣首間迴轉燒肉店　最平50台幣　一人一爐想食咩自己話事！

迴轉壽司大家一定食過，但迴轉燒肉店，大家又試過未呢？！嗱～唔好誤會，唔係平常講燒味舖嗰啲燒肉，而係日式喺格網度自己燒嗰啲燒肉呀！加上近年興起一人飲食文化，主打就算一個人都可以隨時想吃就吃，喺最近台灣就開咗首間迴轉燒肉店「油花 迴轉吧！ 燒肉！」。

一般食燒烤都會約埋朋友一齊去，而且係落order然後一碟碟專人送到你枱面，但依間位於台北市東門嘅燒肉店就以主打迴轉嘅燒肉吧，一碟碟肉擺晒喺迴轉帶上，你睇啱條碟就自己拎。

Photo from 油花 迴轉吧 燒肉 永康駅

其實迴轉燒肉店嘅老闆已有經營十年燒肉店嘅經驗，佢希望可以翻轉燒肉市場嘅用餐模式，以小份量、多樣性嘅肉盤，一次滿足喜歡薄片五花肉、厚切肋條等不同口感的嘅燒肉控，為咗令每款肉種喺迴轉帶上可以保持新鮮，仲特別打造首座附有冰箱及電動閘門嘅迴轉吧台。

Photo from 油花 迴轉吧 燒肉 永康駅

Photo from 油花 迴轉吧 燒肉 永康駅

迴轉吧上除咗有基本嘅豬、牛、雞及海鮮外，仲有奶油金針菇、牽絲起司地瓜、烤麻糬等等，價位則分別是 $88 台幣嘅白色盤、$66 台幣嘅紫色盤同 $50 台幣嘅綠色盤3種，最低消費為每人 $200 台幣。

Photo from 油花 迴轉吧 燒肉 永康駅

Photo from 油花 迴轉吧 燒肉 永康駅

餐牌一覽：

Photo from 油花 迴轉吧 燒肉 永康駅

Photo from 油花 迴轉吧 燒肉 永康駅

提提大家，餐廳係採取現場排隊候位嘅形式，所以如果大家想去試，記得要預多啲時間去排隊呀！

油花 迴轉吧 燒肉 永康駅
地址：金山南路二段31巷25號
電話：02-2358-818
營業時間：12:00~14:30 、16:00~21:00

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）