DELVAUX 日本限定迷你手袋　可愛得嚟又充滿意義

被譽為「比利時 Hermès 」嘅奢華皮具牌子 DELVAUX 早排推出咗三個日本限定 Les Miniatures 系列嘅迷你手袋，外型充滿著濃厚的日本文化，真係「 kawaii 呢～」。

Photo from DELVAUX

由2015年開始， DELVAUX 就陸續推出充滿地方文化特色嘅迷你手袋，例如有代表美國嘅漢堡包手袋、代表英國嘅電話亭手袋等。值得一提嘅係， DELVAUX 喺2017年為咗慶祝香港旗艋店開幕，就專登設計咗中式帆船、熊貓同埋茶壺主題嘅手袋。呢個系列嘅迷你手袋可愛之餘都好環保，因為全部袋都係由一啲回收皮革所製造，所以都得到唔少名媛嘅支持！

Photo from DELVAUX

至於今年推出嘅日本系列迷你手袋就係以歌舞伎、櫻花同壽司作為元素，就咁睇個袋本身已經 feel 到日本文化好重，拎出街一定好吸引人注意啫！講到最得意最搞笑嘅一定係壽司迷你手袋，佢上面唔單止縫咗超多粒三文魚籽，袋身仲掛住咗個魚仔豉油吊飾添！見到即刻覺得口痕！

Photo from DELVAUX

手袋即將喺8月28號喺日本限定發售，而部分嘅收益更加會捐去俾當地嘅非牟利醫療團體作慈善之用添，真係好有意義呀！

圖片來源：Kateigaho International Japan Edition 

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）