北海道超豪華5星度假酒店！私人風呂/落地玻璃賞雪景/滑雪場出入口

滑雪勝地北海道今年新開度假酒店「新雪谷花園柏悅酒店（Park Hyatt Niseko Hanazono）」，5星級裝修，唔止有私人溫泉、落地玻璃賞雪景，更運接滑雪場出入口，絕對係度假住宿首選。

冬天滑雪勝地不得不提北海道，二世古花園度假村今年1月有全新度假酒店「新雪谷花園柏悅酒店（Park Hyatt Niseko Hanazono）」開幕。

整間酒店裝修相當有氣派，佔地24,000平方米，提供16款房型、共有113間客房。

房間空間好大，落地大玻璃可以欣賞到群山環抱、絕美飄雪嘅景致。套房更設私人風呂，滑完雪返房浸溫泉，超寫意。

可左右滑動看圖：

酒店坐落喺滑雪勝地內，當然唔少得滑雪場出入口，方便各位滑雪發燒友。

酒店更設有日式溫泉區、25米長室內泳池、Spa、卡啦OK等，夏天亦有漂流、高爾夫球、踩單車等戶外運動可以參加。

可左右滑動看圖：

酒店有主打唔同料理嘅餐廳，包括由米芝蓮三星廚師主理嘅法日菜Moliere Montagne、壽司店、爐端燒、鐵板燒、意大利菜、Café等。

可左右滑動看圖：

新雪谷花園柏悅酒店

地址：北海道虻田郡倶知安町岩尾別字 328-47
交通︰乘搭函館本線至「俱知安站」，轉乘的士、酒店接駁巴士
官網

圖片來源：新雪谷花園柏悅酒店

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）