寓學習於娛樂～日本超實用立體動物結構砌圖　Step By Step教你做劏魚/拆蟹高手！

大部分人都鍾意食肉，但我諗好多人都好似我咁，有時就算食緊舊肉都唔係好知自己食緊邊一 part。唔想好似電影《低俗喜劇》中嘅杜汶澤咁，食咗牛歡喜都唔知嘅話，日本早前推出嘅食物立體砌圖就啱晒大家啦～

日本玩具廠 Bandai 旗下嘅子公司 MegaHouse 喺 2016 年開始陸續推出咗 5 款唔同嘅食物立體砌圖，包括有牛、吞拿魚、豬、蟹同雞，畀大家玩砌圖嘅同時仲可以學識埋唔同動物嘅身體結構。

Photo from MegaHouse

砌圖上面除咗會寫咗唔同內臟嘅名之外﹐佢仲加入咗好多得意嘅元素，令大家「寓學習於娛樂」，如：

牛嘅砌圖會隨住玩家嘅手溫而改變顏色，溫度愈高顏色就會愈深，代表肉嘅熟成度

Photo from MegaHouse

吞拿魚砌圖就附送埋把魚刀、砧板同一本「劏魚手冊」，畀大家 step by step 、無風險咁學劏魚

Photo from MegaHouse

Photo from MegaHouse

豬砌圖就連豬皮、豬尾都有標示，唔講唔知原來豬嘅全身都可以畀大家食

Photo from MegaHouse

蟹砌圖就會教大家點樣拆蟹同拉蟹腳啲肉出嚟

Photo from MegaHouse

而最近推出嘅雞砌圖就可以畀大家將活雞變成串燒同燒雞

Photo from MegaHouse

啱晒大人同小朋友都一齊玩！

嚟緊 11 月﹐ MegaHouse 仲會推出羊砌圖添，唔知又會有咩驚喜畀大家呢？

Photo from MegaHouse

不過小編必須提提大家，因為依一系列嘅食物立體砌圖係日本推出，所以動物身上嘅身體結構名稱都係日本嚟，有興趣入手嘅大家就要注意喇！

Source：MegaHouse

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）