當文歷餅店Dominique Ansel Bakery新推3款蛋糕！番茄粟米蘑菇串燒/榴槤/冬瓜盅

來自紐約甜品麵包店 Dominique Ansel Bakery 被譽為「一生一定要去一次的麵包店」，今年年頭於香港開設首間分店，選址尖沙咀海港城，開業後吸引不少粉絲到場支持，以全新概念「當文歷餅店」開業，佔地1,600呎，供應不少鹹甜點。今次當文歷餅店為即將踏入秋季推出3款全新蛋糕，分別有番茄粟米蘑菇串燒、榴槤、冬瓜盅，榴槤蛋糕竟然係豆腐花味?! 簡直係視覺味覺大衝擊呀！未去潮聖嘅朋友要去試下啦～

番茄粟米蘑菇串燒蛋糕
咬開紅卜卜嘅「番茄」，裏面係 Mascarpone慕絲同酸咪咪嘅車厘茄果醬，似足真番茄一樣；而焦黃色嘅「粟米」就唔係燒粟米，而係由白當文歷餅店Dominique Ansel Bakery新推3款蛋糕！番茄粟米蘑菇串燒/榴槤/冬瓜盅芝麻奶油朱古力醬同黑糖脆米製成；最底層就係用黑朱古力忌廉、朱古力脆片餅乾同綿花糖做嘅「蘑菇」，一串三件，連用朱古力做嘅竹籤都可以食埋！

Photo from 當文歷餅店

Photo from 當文歷餅店

榴槤蛋糕
榴槤蛋糕味道唔係榴槤，而係豆腐慕絲加紅糖薑汁忌廉，配底層嘅黑糖脆餅！將重口味嘅「榴槤」變成清新嘅「豆腐花」，完全係味覺同視覺大衝擊！

Photo from 當文歷餅店

冬瓜盅蛋糕
捉緊夏天尾巴，先來一個夏天必食嘅「冬瓜盅」！我
中式嘅外表，但裏面冇冬瓜肉、冇金華火腿、亦都無瑤柱，而係清新嘅香茅慕絲配上斑蘭忌廉，再加入朱古力脆米增添香脆口感，滿滿嘅泰式風情，就同真嘅冬瓜盅一樣咁消暑～

Photo from 當文歷餅店

Photo from 當文歷餅店

Photo from 當文歷餅店

Photo from 當文歷餅店

當文歷餅店 by Dominique Ansel
地址：尖沙咀海港城海運大廈地下 OT G63A 號舖
電話：2613 8618
營業時間：星期一至四 8am – 9:30pm；星期五 8am – 10pm；星期六、日及公眾假期 9am – 10pm

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）