前主播梁凱寧考入中大醫學院讀碩士！辭職後去過義教/返母校浸大教書

TVB前主播梁凱寧辭職後過檔「香港開電視」主持節目，更遠赴斯里蘭卡義教，返港後仲喺母校浸會大學傳理系教書。梁凱寧宣布重返校園，入中大醫學院修讀碩士課程，再做全職學生。

大台前主播梁凱寧因為外貌甜美，非常受網民歡迎，不過上年佢宣布離職。

充滿愛心嘅佢辭職後飛咗去斯里蘭卡義教！簡直人美心善！

返香港嘅佢重返母校浸會大學傳理系教書，以老師身分教師弟妹「Introduction to Media and Communication」呢科。

梁凱寧離開TVB後去「香港開電視」主持清談資訊節目《開嚟見我》。佢今日宣布會再做全職學生：「九月一日開學日?​過去好多年嘅今日，我都係喺直播室為觀眾報道各區嘅開學情況，今年終於到我做返學生喇！」

佢將入中文大學醫學院修讀碩士課程！其實梁凱寧本身畢業於傳理學院，係個文科生，所以入到醫學院佢都好surprise：「發夢都冇諗過我呢個文科生，竟然有機會入到中大醫學院修讀碩士課程?好感謝努力準備面試嘅自己，以及一路為我打氣嘅屋企人同朋友???​」

佢又表示：「嚟緊要做全職學生喇?由傳理學院走到醫學院，聽起上嚟好似大纜都扯唔埋?希望走出comfort zone嘅我，可以順利畢到業，換個跑道，繼續保持初衷，幫助有需要嘅人?​」

其實佢讀大學時成績已經非常不錯，有3個sem都榮獲院長嘉許名單。依家又入埋中大醫學院，網友都大讚佢好叻女！

圖片來源：梁凱寧 Instagram

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）