香港Uber Pet正式上線！加多廿蚊就可以帶埋寵物周圍去？

有養寵物嘅人都知道帶住佢哋出遠門都唔太方便，唔搭得大部分公共交通工具，如果仲要自己無車，其實都真係好唔方便㗎。不過大家都唔使咁愁， 因為自 8 月 28 日 Uber 推出咗 Uber Pet 服務，畀各位主人多個選擇～

Photo from uber官網

就咁聽個名都知係 Uber 旗下嘅服務嚟啦！為咗令香港人嘅出行更加方便，Uber 亦不斷改進服務。香港亦係繼美國、澳洲及新西蘭之後，第二個推行 Uber Pet 嘅亞太地區嚟。

大家只需要喺原本嘅 Uber app 度就可以揀選有關服務，系統就會自動為乘客配對樂意接載寵物嘅車主。每次只需要加多＄20附加費，就可以輕鬆帶寵物周圍去啦！如果同行嘅係服務性動物，例如導盲犬，仲可以直接豁免埋附加費添！

Photo from uber官網

提提大家，Uber pet 主要係為貓主同狗主而設，各位主人亦都可以先行同車主溝通，睇下可唔可以接載埋其他動物～

如果想了解更多 Uber Pet 嘅詳情，可以上佢哋個官網睇更多資訊㗎！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）