曼谷新開空中庭園酒吧！搜羅27款菠蘿品種製作熱帶風情雞尾酒+招牌燒烤美食

曼谷金普敦馬來酒店一間新開幕空中庭園酒吧Bar.Yard，有多款充滿熱帶風情嘅特色雞尾酒，及經典燒烤美食，更有DJ駐場，去泰國旅遊晚上可以去chill下！

泰國曼谷金普敦馬來酒店(Kimpton Maa-Lai Bangkok)即將開業，位於酒店40樓有一間空中庭園酒吧。

已經率先開幕嘅Bar.Yard酒吧可以俯瞰曼谷市中心倫披尼公園嘅自然林景。酒吧嘅裝修亦充滿熱帶風情。

酒吧供應一系列特色雞尾酒，以唔同酸度及甜度嘅青檸、27款唔同嘅菠蘿品種去製作：Bar.Yard招牌飲品以熱帶風情及tiki風味為主調，製作出以龍舌蘭酒為基調，配以布吉盛產以多層次甜味，帶有蜜香而聞名嘅菠蘿品種—Queens Group Pineapple，再加上青檸、西柚同蘋果白蘭地。

另外一款「The Brown Coconut」以帶有煙燻味龍舌蘭酒—Mazcal為基調，配以香烤至金黃嘅泰國香椰子及初熟榛子製成。酒吧仲有手工啤酒、紅酒、Tiki雞尾酒、香檳提供。

酒吧仲有多款燒烤菜式，包括慢烤牛胸腩、煙熏牛肋及串燒等。

夜晚酒吧有DJ駐場，可以享受多元化音樂。第時去泰國旅行，夜晚不妨去呢間空中庭園酒吧飲返杯cocktail chill下～

圖片來源：Bar.Yard

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）