港姐冠軍謝嘉怡與父齊上肥媽直播節目！公開童顏爸爸真實年齡

港姐冠軍謝嘉怡（Lisa）同爸爸一齊上肥媽嘅直播節目，肥媽作為謝嘉怡嘅提名人，終公開提名原因，又話想收佢做契女。同時首度提及謝嘉怡童顏爸爸嘅真實身分及年齡。

港姐冠軍謝嘉怡（Lisa）自奪冠後都相當受歡迎，唔止大讚佢係近年「最靚港姐」，連唔流利嘅中文都變得好可愛。

Photo from TVB

當選後Lisa嘅爸爸亦一度成為焦點，因為睇落相當年輕，同Lisa唔似父女，反而似兄妹。

作為港姐冠軍提名人嘅肥媽日前就邀請咗Lisa同爸爸一齊上直播節目，其中更特意為Lisa煮佢最愛嘅「排骨飯」。

Photo from TVB

肥媽表示想認Lisa做契女，同6號（陸浩明）做兄妹咁話。佢又提到點解會提名Lisa，佢話當初提名係諗住會有獎品、獎金收。可以無綫電視咁多年嚟原來都無無獎品、無獎金收。

Photo from TVB

其實肥媽同Lisa爸爸有淵源，1994年肥媽19歲嘅仔仔，不幸車禍受傷，好彩得Lisa爸爸照顧，仲每日煮飯畀佢食，肥媽非常感激。

Photo from 肥媽 Maria Cordero

講到Lisa爸爸，原來佢係做廚師，喺英國初初做中餐，後來轉煮快餐Fish and chips。主持問爸爸幾多歲，佢話：「今年54歲。」又表示其實生活方式簡單啲就可以keep到後生。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）