【韓式炸雞大比拼】

韓式炸雞而家周圍都有得食，點知邊間先係最抵食最好食？想知就睇落去啦！今次搵左三間要比拼一下嘅韓式炸雞店！

1 / Nene Chicken

可能因為劉在石代言的關係，剛剛開嘅時候好多人排隊。所以當時都貪新鮮去試下。最終其實係失望嘅。

個日嗌嘅呢碟同menu上見到嘅炸雞同實物完全唔係同一件事黎！就好似係淘寶買左件衫同張圖完全唔一樣嘅感覺咁差。而且味道偏淡，唔入味。另外，上碟略厭求其。

呢碟雞，大家估下幾錢??$170！其實炸雞呢個價係公價我知，但我就覺得$170呢一碟真心唔值了。

地址:旺角亞皆老街8號朗豪坊11樓30號舖

2 / Yadllie Plate

個人幾中意呢間～首先環境好、乾淨、位置寬敞，黃燈俾人感覺好舒服。炸雞都係好食嘅，啲肉有少少粉粉地色，十分鮮㜛。

去過三次去都係覺得好食好滿足嘅??????價錢都係適中價位啦。其實兩個人食一碟雞都已經夠飽，唔洗嗌咁多浪費。

另外，佢地仲有個棉花糖雞好出名的。不過未食過就先不評論了。

地址:旺角西洋菜街1號兆萬中心11樓

3 / ChirChir Fusion Chicken Factory

呢間都幾唔錯?佢個玫瑰芝士女神雞好正！！好似瀑布一樣，一啲都唔姑寒架！如果你係芝士狂熱者真係不容錯過！

地址:尖沙咀寶勒巷6-8號盈豐商業大廈1樓

睇完三間嘅評論後，相信係食家嘅你地都識揀啦？