馬德鐘馬在驤父子檔開工！21歲餅印仔大騷腹肌 有望齊出演作品

馬德鐘21歲仔仔馬在驤早前簽約邵氏兄弟為加入娛樂圈作準備。佢哋兩父子更首次拍檔合體拍廣告。馬在驤同爸爸猶如餅印，更大騷腹肌。表明唔抗拒同馬德鐘一齊拍戲。

馬德鐘（馬神）仔仔馬在驤年僅21歲，依家仲讀緊書，不過已簽約邵氏兄弟，而且亦有做model行騷、影相等。

日前馬德鐘父子就合體上陣拍廣告，仔仔馬在驤就話完全唔緊張，感覺同爸爸好似朋友咁。而馬德鐘表示唔擔心仔仔表現，反而緊張自己表現多啲。

馬在驤雖然得21歲，但同爸爸馬德鐘有幾分神似，更大騷腹肌添！爸爸馬德鐘對仔仔身材好有信心，仲叫大家期待。

兩人首次拍檔開工，提到會唔會將來合體拍劇，馬德鐘就話有機會，又問仔仔抗唔抗拒，馬在驤唔抗拒，更指想做反派，因為覺得好型咁話。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）