鄭中基有意製作新《美女廚房》？大爆當年錄節目真相

鄭中基、方力申、梁漢文主持嘅《美女廚房》無經典綜藝節目，一眾美女下廚同主持嘉賓試食反應都令觀眾笑爆嘴。事隔10幾年，鄭中基回應會唔會再做《美女廚房》，又揭露當時錄製節目內幕。

《美女廚房》喺2006年播出，由鄭中基、方力申、梁漢文3人主持，當時收視、口碑都好好，更一度突破40點收視超越《獎門人》添！

Photo from 《美女廚房》

成班美女下廚，手忙腳亂最好睇。而嘉賓主持試食「地獄廚神」煮出嚟嘅菜式時又夠晒搞笑。

雖然節目已播完10幾年，但有時重播仍然會令人笑到肚痛～而2年前大台新一輯《美女廚房2018》就換上全新班底，搵咗阿Bob林盛斌、蕭正楠、張振朗做主持。當時消息傳出，觀眾紛紛表示好掛住原班人馬。

Photo from TVB

而鄭中基開演唱會請咗梁漢文同方力申做嘉賓，三兄弟喺台上更指要開返個新節目叫《美男廚房》。

Photo from 《美女廚房》

觀眾對3位主持再做節目表示期待，而鄭中基喺出演加葱YouTube時被問到會唔會再做《美女廚房》節目，就透露佢哋係有諗過做新嘅美女廚房，不過就唔可以用返《美女廚房》呢個名。

Photo from 加葱

鄭中基又話內容方面可能都會有唔同，希望如果做新美女廚房，就唔好成日挖苦啲參賽者。

Photo from 《美女廚房》

之前鄭中基就有拍片同椋名凜道歉，表示當時嘅批評太苛刻，令椋名凜喊住咁走，覺得好對唔住佢。佢又大爆當年錄《美女廚房》嘅內幕，指為做效果，有收到指令係每一個參賽者都要話唔好。

鄭中基表示之前有電視台聯絡佢哋，話已準備好一切，只等佢哋3個（鄭中基、方力申、梁漢文）ok就可以拍。佢就話有諗過會自己製作，再賣出去畀人播，咁樣做個內容就唔會受到限制。

Photo from 《美女廚房》

Photo from 《美女廚房》

好多觀眾都表示超級期待！希望將來真係會睇到原班人馬嘅新《美女廚房》啦！改名都無所謂㗎！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）