鍾嘉欣視馬明為偶像！大爆一直好鐘意「一件頭」 原來馬明大鍾嘉欣10歲！

嫁為人婦嘅鍾嘉欣難得放下仔女，由溫哥華回巢拍TVB新劇《兒科醫生》，同馬國明、鄭嘉穎合作。佢喺IG晒出同馬明合照，話好鐘意《On call 36小時》「一件頭」，更視馬明為偶像！

鍾嘉欣嫁人後移居加拿大，誕下一對仔女。佢早前由溫哥華回巢，拍攝TVB新劇《兒科醫生》，劇中更同馬國明、鄭嘉穎有感情線。

鍾嘉欣喺IG post出同馬明嘅合照，兩人靠埋一齊，笑容一致。

佢仲大爆一直好鐘意《On call 36小時》嘅「一件頭」，好榮幸可以同偶像拍戲咁話：「我細細個（just joking) 睇《On call 36小時》，一直好鐘意一件頭，好榮幸可以同我偶像拍戲。??」

鍾嘉欣仲搞笑指細細個已經睇《On call 36小時》，又留下老虎、老鼠emoji，因為馬明屬虎，鍾嘉欣就屬鼠嘅。鍾嘉欣：「馬明話老虎老鼠係好夾」

原來馬明今年46歲，而鍾嘉欣今年36歲，馬明竟然大鍾嘉欣10年！唔怪得之鍾嘉欣話「細細個」睇馬明做戲啦！

不過齋睇外貌又真係完全睇唔出兩人有10歲年齡差距～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）