《愛回家之開心速遞》金城安男扮女裝捉色狼 獲讚好靚女：似徐子珊

《愛回家之開心速遞》新一集有金城安反串演出，男扮女裝引色狼。佢女裝扮相都好靚女，獲網民大讚靚過熊家三姊妹同Bonnie，又話安仔可以選港姐，指佢似徐子珊添！

《開心速遞》新一集劇情講到島大有唔少女同學睇醫生時被非禮，Bonnie打算親自出馬捉色狼可惜不果。

Photo from 《愛回家之開心速遞》

Photo from 《愛回家之開心速遞》

於是就叫男朋友金城安扮女仔，希望引蛇出洞。

Photo from 《愛回家之開心速遞》

預告中，安仔以兩個女生造型亮相。其中一個水手裝，另一個則為長裙斯文look，預告亦播出佢側面、正面等，睇落都幾靚女！

Photo from 《愛回家之開心速遞》

Photo from 《愛回家之開心速遞》

Photo from 《愛回家之開心速遞》

有網民大讚周嘉洛女裝好靚女，甚至靚過熊家三姊妹同女朋友Bonnie，仲話佢如果選港姐可以拎到冠軍。

Photo from 《愛回家之開心速遞》

亦有網民話佢女裝似徐子珊。其實早前周嘉洛有玩FaceApp，更上傳自己嘅女裝照，當時都有好多網友大讚佢靚女。

Photo from 周嘉洛IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）