荃灣新開手作芋泥台式小店！必試芋泥吐司/鹹珍珠魯肉飯/米糕球

荃灣新開一間主打手作芋泥的台式小店，一對情侶，兩位老闆，為餐廳命名「你妳you you」，提供多款人氣台式厚吐司，包括手作芋泥吐司、珍珠奶茶吐司等等。店內以木系為主，紫色為主色，切合手作芋泥與台灣小店風格，除了基本的台灣菜，餐廳更研發了不同的新式菜式，例如你妳珍珠魯肉飯、台南米糕波波球麵非常創新，中意食台菜嘅你不坊一試～

濃厚奶茶珍珠吐司 $45
奶茶珍珠就飲得多啦，夾住厚吐司食就真係未試過，以濃厚奶茶為內餡，再自行加上粒粒煙韌珍珠，每啖都好似飲緊珍珠奶茶咁，散發住濃濃嘅奶茶香～

芋見紫薯吐司 $45
紫色配紫色芋泥紫薯吐司打卡一流！招牌自家製芋泥配上紫薯餡非常驚喜，一啖食晒芋頭同紫薯口味～

芋泥肉鬆吐司 $40
招牌咸食芋泥吐司絕對少不了肉鬆，肉鬆嘅鹹香再加上清甜嘅芋泥，滋味十足！

你妳珍珠魯肉飯 $36
珍珠新食法！滷肉鹹珍珠配魯肉飯，珍珠以魯肉形式特製而成，平時食開粒粒珍珠都變鹹味，感覺好新鮮，珍珠煙韌口感配上白飯添加多層口感！

台南米糕波波球 $35
將台南米糕整成一個個波波球，鹹香十足，就似中式糯米飯一樣，配上香菇、蝦米，超軟身嘅米糕，入味即溶～

仙草3號 $46 (三色芋圓/包餡芋圓/布丁/水晶)
仙草4號 $46 (三色芋圓/包餡芋圓/珍珠/荔枝爆珠)

高雄紅茶牛奶珍珠 $35 葡萄柚鳥龍茶 $29
所有台灣飲品都自家調製！

你妳you you
地址:新界荃灣運通街6號運通洋樓地下K舖
電話：35946658

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）