【BNO移民英國】申請 LOTR 提前入境最新細節安排　97後出世人士都用得！

自 7 月英國正式公布持有 BNO 護照嘅港人及其近親，由明年1月起可以申請特別簽證「Hong Kong BN(O) Visa」留英，並最多於英國逗留5年，再定居1年後，即可正式申請成為公民（俗稱 5+1 ）嘅入籍方法。但喺 Visa 正式可以申請之前，大家亦可以使用英國嘅酌情入境（Leave Outside the Rules，簡稱LOTR）提前入境。

BNO懶人包：續領申請｜副簽方法｜寄文件教學｜遺失補領｜快遞比較｜英國買樓比較

日前英國政府網站就更新對 LOTR 嘅申請細節，並指明白部分具 BNO 持有人及其近親有意於簽證開放前提前到英國，故特設 LOTR 安排，為佢哋提供最多 6 個月嘅居留簽證，期間可以工作或讀書，但就無法享有任何社會或及免費醫療服務！

Photo from GOV.UK

而更新細節中亦包括，持 BNO 申請者可攜 97 後子女、子女配偶及其未成年子女一同全家申請 LOTR 入境，再等到明年 1 月時再直接喺英國申請 BNO 「Hong Kong BN(O) Visa」簽證，永居英國及入英籍。

Photo from GOV.UK

英國就喺官方網站中列出 5 大申請人必須提供嘅證明文件：

。香港居民的身份證明文件
。具有BNO資格
。經濟能力證明
。通常居住於香港或英國
。申請人與近親的關係證明（結婚證書、出生證明文件等）

另外，據官網指，申請者最好以家庭單位入境，並列明除咗 BNO 持有人、配偶及其 18 歲以下子女可於英國定居外，連同 1997 年 7 月 1 日後出生而超過 18 歲嘅配偶或其子女亦可一同申請，即一本 BNO 護照，可三代同堂一齊移居英國。

但有一點大家要注意嘅係，其子女與配偶需出示結婚證書或相關嘅關係證明書，若未婚，則需出示兩人共同居住至少兩年嘅證明，未成年子女則需出示出生證明書等有效法律文件。

此外，如 BNO 持有人喺 2021 年 1 月前已以其他簽證留英，亦可喺網上填寫 LOTR 表格申請延長繼續留英，或再入境英國時於機場申請 LOTR。

最後，有關當局亦提醒申請人，由於疫情關係，有關申請嘅處理時間或會延長，如喺 2021 年 1 月「Hong Kong BN(O) Visa」簽證生效後才被處理之申請，到時將會退還所有手續費，並請申請人切勿心急聯絡內政部查詢進度。

Source：GOV.UK

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）