日本香水專門店 Nose Shop 推香水扭蛋　由運氣決定你嘅命定香氣！

買香水除咗可以靠個鼻之外，原來仲可以靠運？日本香水專門店 Nose Shop（ノーズショップ）近日就推出咗香水扭蛋，畀大家隨機扭出香水，搵出專屬自己嘅命定香氣～ 

Photo from noseshop.jp

Nose Shop 喺日本各地都有分店，例如新宿、銀座、池袋等，而佢主要提倡「Follow your nose」，自己身上嘅香氣由自己個鼻話事，而呢個理念亦驅使佢哋推出唔同氣味嘅香水同香氛產品！

Photo from noseshop.jp

Photo from noseshop.jp

不過成間鋪有超過 500 幾種香氣，行足一日、聞到個鼻失靈都未必揀到最適合自己嘅味道！所以香水扭蛋機就啱晒大家極速搵出自己命定香氣啦～

Photo from noseshop.jp

每一間 Nose Shop 分店都設有 5 款唔同氣味種類同主題嘅香水扭蛋機，以顏色去區分，包括有花香味、新手入門款香水、代表「澀谷」嘅味道同「夢幻」嘅香味，當然唔少得仲有乜香氣都有嘅「大雜繪」機啦！

Photo from noseshop.jp

Photo from noseshop.jp

每個香水扭蛋入面都會有 1.5ml - 2ml 裝的香水試用裝，等大家可以試咗啱用先再買原裝版都未遲～

Photo from noseshop.jp

依個扭蛋機每扭一次只需 700 円（約 HKD $51.5），真係好抵玩呀！

知大家無得去旅行，所以 Nose Shop 網店亦都好貼心咁提供期間限定扭蛋，到時隨機發送香水畀大家！有興趣嘅話不妨上佢哋個網站睇睇啦～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）