張繼聰晒舊照慶幸老婆無嫌棄！當初謝安琪事業發展更好 依家張繼聰工作不斷吐氣揚眉

張繼聰同老婆阿Kay謝安琪結婚13年，不時網上晒恩愛，分享一家四口嘅幸福生活。日前張繼聰喺IG post出同阿Kay 14年前合照，慶幸太太無以貌取人。當年謝安琪事業發展比丈夫好，張繼聰飽受惡評，依家工作不斷，吐氣揚眉。

張繼聰同老婆阿Kay謝安琪結婚多年，一直恩愛，張繼聰喺IG分享兩人舊照，並留言指：「好彩我老婆當年真係冇以貌取人??」

Photo from 張繼聰IG

其實當初張繼聰事業發展遠遠比唔上老婆阿Kay，外界一直指佢為「謝繼聰」。張繼聰飽受壓力，更曾患上抑鬱症。

Photo from 叱吒樂壇頒獎典禮2010

佢2017年喺Facebook寫文透露當時嘅心路歷程：「當時我嘅抑鬱病非常嚴重，非常想又非常怕去依個Party 。想去，係因為太太當時成績非常出色，我一定要係現場支持佢同見証佢努力嘅成果❤️ 怕去，係因為我當時嘅成績非常冇乜成績.....?」

Photo from 叱吒樂壇頒獎典禮2010

佢指自己「當時食行藥，所以好口乾，好頭暈，好攰，個cam又起勢隊住隊住，同時又好感動，好替太太開心，好想抱住佢，再同時好驚好怕，好擔心食白果嘅我唔知又會比人點嘲笑」

Photo from 叱吒樂壇頒獎典禮2010

張繼聰又透露太太謝安琪都一樣：「同時台上嘅太太，成晚雖然得到好多個獎，其實當時嘅佢抑鬱病都好猛烈，承受好大嘅壓力，佢都係考緊宇宙俾佢嘅試....」

長文，隨便出入

無意中睇到依段片，好歡樂☺️??唔係講七年前我個郁同髮型帶比大家嘅歡樂?☝?而係.....

七年前嘅依一日，當時嘅我可以話係考緊宇宙俾我嘅試....啱啱出世嘅朋友仔可以去歷史博物館查吓我當時嘅外號，就會略知一二?當時我嘅...

由張繼聰 Louis Cheung 發佈於 2017年11月3日星期五

好彩兩人終於攜手度過難關，依家張繼聰喺影視方面有所發展，工作不斷，已經唔會再畀人取笑。而太太謝安琪為佢生下一仔一女，一家四口非常幸福。

Photo from 謝安琪IG

張繼聰閒餘時間都會陪伴子女，一家更由村屋搬入4000呎大屋。

Photo from 張繼聰IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）