日本山田烏冬食堂推自製手打素烏冬套裝　麵團/麵粉棒/烏冬汁一應俱全　簡單做幾步就食得！

雖然依家學生都已經陸續復課，但因為疫關係，大家除咗必要嘅外出，唔少時間都會留喺屋企，避免去人多嘅地方。依個時候唔少家長都會趁機用小朋友一齊煮吓嘢食，嚟個親子烹飪時期。而日本烏冬連鎖店「Family食堂山田烏冬食堂」有見及此就推出咗一款「手打烏冬系列第一彈素烏冬」套裝，畀大家喺屋企都可以食到日本嘅手打烏冬。

Photo from yamada-udon.co.jp

深知大家都好掛住日本嘅美食，日本烏冬連鎖店「Family食堂山田烏冬食堂」近日就推出咗一款可以畀大家喺屋企自製嘅「手打烏冬系列」套裝，打頭陣嘅就有素烏冬。

Photo from yamada-udon.co.jp

一個套裝有四人分量，當中包括咗麵團、膠套、烏冬汁以及壓麵時用嘅麵粉等，就連麵粉棒都會附送埋畀你，咁就唔使怕冇工具壓平麵團喇！

Photo from yamada-udon.co.jp

而依個套裝嘅另一個特點就係大家唔需要由搓麵粉做起，套裝係附有已預先搓好嘅麵團，大家只需要用腳踏數遍、等麵團發酵後再壓平切成條狀，煮熟即可食用，製作過程簡單，幾個步驟就可以喺屋企體驗自製手打烏冬嘅滋味。

另外官方仲預告遲啲仲會推出腐皮烏冬、肉汁沾麵及咖喱烏冬等口味，想試嘅大家記得唔好錯過喇！

Photo from yamada-udon.co.jp

手打ちキットシリーズ（網站連結）
售價：2,200円（約 $163 港元）
即日起於網店發售

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）