唐寧以罕見長髮look現身！造型超清純童顏不老 網民懷念《大唐雙龍傳》仙氣角色

38歲嘅唐寧童星出身，做過唔少角色，外表十年如一日獲封「不老童顏」。佢多數以短髮示人，近日喺Facebook罕有公開自己清純長髮look，令一眾網民非常懷念《大唐雙龍傳》仙氣師妃暄一角。

童星出身嘅唐寧8歲就出道，做過教育電視ETV，又同過周潤發、張國榮合作拍電影。

Photo from 唐寧Facebook

Photo from 唐寧Facebook

之後喺大台亦出演過多套電視劇，包括《天涯俠醫》、《戀愛自由式》、《大唐雙龍傳》等，雖然近年甚少喺電視出現，以往多數又唔係做第一女主角，但仍喺唔少觀眾心中留下深刻印象。

Photo from 《天涯俠醫》

Photo from 《戀愛自由式》

佢10年如一日嘅外貌一直獲封「童顏女神」，早前喺Facebook公開嘅一張相，就有人認為佢老咗好多。

Photo from 唐寧Facebook

唐寧過往一貫以短髮示人，最近喺Facebook公開咗一張罕有長髮相，造型相當清純。更留言：「喜歡長髮還是短髮的我？！」

Photo from 唐寧Facebook

唐寧本人就投短髮，留言區引發激烈討論，長髮、短髮都有人投。但係最多人認同最靚造型係《大唐雙龍傳》時嘅髮型。

Photo from 唐寧Facebook

Photo from 《大唐雙龍傳》

唐寧喺《大唐雙龍傳》中飾演師妃暄，仙氣十足，係好多觀眾心目中嘅「古裝女神」，至今仍令人念念不忘。

Photo from 《大唐雙龍傳》

不過可惜依家嘅唐寧無再出演古裝劇，網民都只可以翻睇《大唐雙龍傳》。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）