
【大閘蟹放題2020】酒店餐廳大閘蟹主題蟹宴!自助餐放題/買一送一優惠
踏入大閘蟹當造季節,餐廳及酒店紛紛推出以蟹為主題的蟹饌,為一眾蟹迷悉心炮製,有的更以任食放題為賣點,食得回本之餘,食材矜貴且質素高,啖啖蟹膏,滿足一眾蟹迷味蕾!
1. 75折酒店蟹宴自助餐
香港朗廷酒店The Food Gallery由即日起至11月30日期間推出蟹宴主題自助餐,除了冰鎮海鮮有凍蟹之外,還供應超過10款以蟹入饌的菜式,由沙律前菜到主食均以新鮮蟹炮製,包括芒果螃蟹沙律、馬利蘭螃蟹濃湯及螃蟹粟米湯、新加坡辣椒炒蟹、黑胡椒炒蟹、澳門水蟹粥、蒜蓉豆豉炒蟹、薑蔥粉絲蟹煲、南瓜咖哩蟹等,回本指數極高!
Photo from The Food Gallery
Photo from The Food Gallery
另外大廚更會在即煮區為蟹迷即席製作蟹菜式,包括烤加拿大松葉蟹腳配黑松露、泰式蟹肉餅,兩款烤炸得香口,還供應即叫即炒蟹肉帶子炒飯、螃蟹龍蝦上湯伊麵等,其中必食推介花雕蛋白蒸蟹,蟹肉與花雕酒完美配合,鮮味無比。
Photo from The Food Gallery
冰鎮海鮮區共有7至8款選擇,當中包括回本必食的生蠔,師傅即叫即開,食落帶有海水鹹味!
Photo from presslogic
The Food Gallery
地址:尖沙咀北京道8號香港朗廷酒店大堂
電話:21327898
秋日螃蟹慶典
供應時間:10月2日至11月30日(逢期五至日、公眾假期及前夕供應)
價錢:$738/成人、$369/小童(經eshop訂座可享75折優惠)
2. 四間酒樓大閘蟹放題套餐
盈彩飲食集團旗下四間酒樓推出任食大閘蟹放題套餐,同時供應七道小菜,當中包括蟹類菜式如蟹粉燕窩羹、蠔皇扣八頭南非鮑魚、脆皮燒鵝、上湯花膠浸時蔬、椰汁桂花糕、黃金椒鹽豆腐、招牌炒飯。雖然款式不算多,但單單任食大閘蟹,已經能食到回本,一於帶大家去食足100分鐘,蟹迷準備出動。
Photo from presslogic
踏入秋季,絕對是食蟹的好時機,餐廳供應的大閘蟹,蟹膏呈鮮橙色,味道甘香,食落質感軟滑。蟹粉燕窩羹加入燕窩倍感矜貴,女士養顏之選。
Photo from 盈彩飲食集團
Photo from presslogic
供應時間:即日起至2020年12月20日
供應時段:6pm至10pm(最後下單時間:9:30pm)
任食時間:100分鐘
價錢:$328/位(另收加一茶芥)
備註:1)為免浪費食物,每次添食大閘蟹每人一隻,次數不限
地址:
1. 盈彩海鮮火鍋酒家(葵涌)
地址:葵涌邨上角街葵涌商場207號
2. 盈翠軒粵菜(九龍)
地址:尖沙咀廣東道 33 號中港城第五座平台樓層1-3號舖
3. 彩翠軒酒家(九龍)
地址:九龍大角咀櫸樹街88-90號奧柏御峯1/F
4. 彩翠軒酒家(九龍城店)
地址:九龍九龍城東頭邨安東樓地下1號
統一訂座電話:54871632(whatsapp)
3. 香港JW萬豪酒店蟹宴
香港JW萬豪酒店蟹宴自助餐10月再度回歸!今次以蟹入饌,冰鎮海鮮食到日本皇帝蟹腳、韓國鱈蟹蟹腳、英國麵包蟹、加拿大紅蟹或澳洲加菲蟹等,另外又炮製避風塘炒蟹、蟹肉蟹粉燴蛋白等熱食,讓各位蟹迷大快朵頤。
香港JW萬豪酒店蟹宴將於10月份強勢回歸,以鮮蟹作主題炮製一系列蟹菜式。冰鎮海鮮則有日本皇帝蟹腳、韓國鱈蟹蟹腳、英國麵包蟹、加拿大紅蟹或澳洲加菲蟹,全部肉質細嫩,爆餡蟹膏,鮮甜可口!店員Refill得快手,源源不絕供應,滿足一眾蟹迷的慾望。
另外熱食方面,必食避風塘炒蟹、蟹肉蟹粉燴蛋白、香煎蝦肉蟹餅及蟹粉伴蟹腳粥等,當中花雕雞油蒸蟹伴馬拉河粉,河粉伴著一絲絲蟹肉和蟹膏,食落相當邪惡。蟹粉伴蟹腳粥啖啖肉,口感非常滿足!
場內當然不少得其他美食專區,包括即製手握壽司和剌身吧、凍肉冷盤、沙律吧,以及甜品控最愛的甜品糕點區,絕對是難以抵抗誘惑啊!
香港JW萬豪酒店蟹宴自助餐
供應日期:2020年10月1日至10月31日
供應地點及時間:JW咖啡室 6pm-10pm
價錢:星期一至星期四 $778/成人、$578/小童(3至12歲);星期五至星期日、公眾假期及前夕 $828/成人,$618/小童(3至12歲)
電話:2810 8366
備註:另設加一服務費
4. 逸東酒店歎5款凍蟹
逸東酒店普慶餐廳推出以海鮮盛宴入饌的自助餐,供應期間由9月8日至10月31日,嚴選10款招牌冷盤作頭陣,最大賣點則可一次過歎到5款蟹、生蠔、波士頓龍蝦、琵琶蝦、虎蝦等冰鎮海鮮,3小時瘋狂任食,職員Refill夠快手,不用爭先恐後。
今次自助餐主題以「蝦兵蟹將大鬥法」為噱頭,多達10款新鮮海鮮,包括肥美生蠔、波士頓龍蝦、小龍蝦、琵琶蝦等,另一半海鮮則是五款蟹類供應,除了有花蟹、麵包蟹及三點蟹外,罕有食到鐘拿蟹、鱈場蟹。款款肉質飽滿肥厚,鮮甜啖啖肉,回本度極高,蟹癡必到。
另外熱食區方面,供應超過50多款以海鮮入饌的佳餚,如西班牙海鮮飯、新加坡咖喱炒蟹、蒜蓉烤生蠔或薑蔥蒸生蠔、啤酒煮青口、泰式炒大蝦等,款款充滿地道風味。
必食新加坡咖喱炒蟹,蟹肉惹味非常,大廚事先將蟹殼微微敲碎,方便拆肉之餘,令蟹肉吸盡醬汁,辣味在舌底盤旋。若鍾情中式味道,亦有蠔仔粥式蟹粥、中式醉蝦、四川炒東風螺等,總有一款適合你!
以水果入饌的甜品款式,必食白酒鮮果啫喱、蜜桃慕絲、菠蘿班蘭蛋糕等,果香濃郁,帶點小清新,多吃也不覺得膩。
今次自助餐主題以海鮮為主,多款佳餚以蟹做主打,蟹迷絕對不能錯過!另外3小時任揀任食,回本程度極高,淨食海鮮已經夠划算,立即Bookmark吧!
逸東酒店普慶餐廳
地址:香港九龍彌敦道 380 號 Eaton HK B1 樓層
電話:2710 1901
「蝦兵蟹將大鬥法」海鮮主題盛宴
供應日期:由2020年9月8日至10月31日
晚市時段:6:30pm-9:30pm
星期一至四$568/成人、$398/小童及長者;星期五至日及公眾假期$618/成人、$448/小童及長者
價註:另收加一
5. 李嘉誠五星級酒店中菜廳 蟹宴買一送一
李嘉誠旗下五星級酒店高級中菜廳海雲天,最近推出90分鐘午市點心放題,吸引不少人訂座。今次又再推出震撼優惠,由即日起享用海雲天推出蟹宴套餐,即享買一送一優惠,一次過可以歎到蟹肉燕窩羹、芝士焗蟹蓋、雞油花雕蟹肉伊麵等菜式,蟹迷絕對要挑戰!
李嘉誠旗下的五星級酒店,九龍海逸君綽酒店中菜廳海雲天,現時於網購平台預約再次推出限時優惠,由即日起推出蟹宴套餐,選用每日新鮮空運越南肉蟹,炮製特色鮮蟹菜式包括海雲三小碟、蟹肉燕窩羹、芝士焗蟹蓋、紅梅雪地鮮蟹拑、星洲黑胡椒蟹、雞油花雕蟹肉伊麵、蟹肉灌湯餃和蛋白杏仁茶。
以新鮮蟹肉配矜貴燕窩製成的蟹肉燕窩羹,滋潤養顏。大塊蟹拑肉以濃郁湯汁烹煮,肉質嫩滑,非常入味。
星洲黑胡椒蟹充滿正宗星洲風味,胡椒味香濃,食落帶點微辣。
雞油花雕蟹肉伊麵充滿花雕酒香,帶出蟹肉鮮味,滋味飽肚。
蟹肉灌湯餃皮薄內餡夠Juicy,食落啖啖蟹肉。
九龍海逸君綽酒店海雲天
地址:紅磡德豐街20號九龍海逸君綽酒店2樓
電話:2996 8459
海雲天「蟹之約會」盛宴
預訂連結:按此
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)