雨僑羅力威幫 BB 攞出世紙差啲改唔到名：政府部門話無呢個字
雨僑羅力威 8 月榮升父母，誕下女兒 Harper。不過兩人早前喺社交平台上透露幫 BB 攞出世紙嗰陣發生咗個小插曲，差啲改唔到名！事關政府部門竟然話冇呢個字？！究竟咩字咁巴閉？
誕下女兒 Harper 之後，雨僑羅力威升級做咗爸爸媽媽，不時喺社交平台大曬愛女嘅靚相，早前雨僑仲表示喺 BB 滿月之後就要獨力照顧佢，非常有挑戰性！
Photo from avabibu@IG
Photo from avabibu@IG
Photo from avabibu@IG
早前兩人幫 BB 攞出世紙嗰陣發生咗一個小插曲，兩人之後更各自喺社交平台分享，表示非常無奈。原來 Harper 嘅中文名有「約」字，不過攞出世紙嗰陣，政府部門表示冇呢個字，仲整咗成兩個鐘都未解決到，要改呢個名就要申請，仲要等多三個月。
Photo from avabibu@IG
事後雨僑喺 Facebook 寫道：「話說今日去同BB攞出世紙，政府部門話無呢個字。真係無，沒有，don’t have！個職員超認真搞咗兩個鐘真係無喎！話無『翹（繞）絲邊』下面係三點，電腦入面無呢個字，要申請同埋等多三個月，真係開心大發現」，仲搞笑地 hashtag 埋「#大單嘢搞唔掂 #膊頭有花全部入嚟 #我whatsapp個約字俾你得唔得 #約喎 #好common咋喎 #唔係方中 sir」。
羅力威亦喺 IG 寫道：「一人一個攞出世紙無既字 #翹絲邊原來唔係三點水 #無個約字 #差d改唔到呢個名 #紅不紅都有翹絲邊 #我地係咪全香港第一個用約字名既bb? #幫大家開咗file加呢隻字以後所有bb可以用 #大家認真睇睇自己身份證翹絲邊點寫 #翹絲邊個邊 原來係用絲既右手邊 #tvb個b」。
「約」字從「糸」係傳統寫法，俗寫先寫作「糹」。出世紙上嘅「約」字會寫「糸」，而羅力威同雨僑想個「約」字嘅部首係「糹」，所以先要重新申請。
中文名真係好緊要㗎！好彩最後都搞得掂～
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
