無印良品人氣毛巾「多用浴巾」　窩心環保設計令大浴巾唔再得一個用途

無印良品嘅產品向來深受大家喜愛，事關佢哋就設定除咗舒服簡約之外仲耐用，而近年佢哋更不時推出環保系列產品，如環保餐具、「水」樽及喺店內增設水機畀大家斟水等等，實行為環保出一分力！而近日喺 Twitter 就有一款名為「還有下一次浴巾」嘅多用浴巾引起咗大家嘅熱討。

依條浴巾其實同一般大浴巾冇咩分別，而佢之所以可以引起大家熱討，全因為當你喺用舊咗條浴巾後，你可以沿住巾上嘅線剪開，將浴巾變為抹布，再繼續使用。

Photo from muji

有網友就指毛巾本來就十分耐用，自購買以嚟已經用咗兩年！

設計上仲落足心思，假想用家會剪開浴巾使用，所以就預先為大家設計去剪裁嘅位置，大家只要沿住剪就可以避免脫線呢。

Photo from muji

Photo from muji

其實咁都幾好呀，可以令浴巾真係用到盡先掉，都算係一件環保商品嚟！

Photo from muji

依條浴巾喺香港都買得到㗎，分別設有薄浴巾（4 色可選）、中厚浴巾（4 色可選）同厚浴巾（3 色可選），售價為 $150 - $250 港元不等，有興趣嘅大家記得試吓喇！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）