BTS或可豁免兵役！南韓國會議員提出修訂案　Jin或成首位免兵役Kpop偶像

BTS 人氣沒法擋，喺全球各地都有唔少粉絲，但依家就因為兵役期限將至而面臨解散危機！除咗粉絲紛紛寫信向南韓當局請願之外，依家就連國會議員都提出修正法案，爭取為國爭光嘅藝人可以豁免/延遲服役。

Photo from Pinterest

提出《兵役法》修訂案嘅係文化體育部長樸良雨表示會考慮民意，為大眾文化藝術家提供特殊服役待遇，又話會早日同其他部門/機構溝通同協商，希望可以盡快修正法案。

Photo from Pinterest

由於南韓強制 20 至 28 歲嘅男士服兵役至少 24 個月，而 BTS 嘅 Jin 就到 28 歲嘅期限，最遲需要喺下年年底入伍，加上其餘 6 位成員嚟緊幾年都會陸續入伍，所以 BTS 大概要等到 8 年後先可以全員再合體，團體或者會面臨解散危機。

Photo from Pinterest

其實 BTS 喺文化藝術方面的確有好多貢獻，亦係南韓之光！佢哋多次喺聯合國到發表演說，近日亦都憑住新歌《Dynamite》 3 次奪得美國 Billboard 嘅百大單曲榜冠軍。

Photo from Pinterest

Photo from Pinterest

如果法案成功通過，Jin 就會係南韓史上首個可以豁免兵役嘅 Kpop 偶像！

Photo from Pinterest

打開先例之後，未來好可能 Oppa 們都可以延遲/豁免服役！咁各位粉絲就唔使承受離別之苦啦～

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）