【東京住宿】靜岡可住宿公園 Inn the Park　懸浮球體帳篷內感受大自然氣息

旅遊攻略日韓旅遊

By Charlie on 14 Oct 2020

Digital Content Writer

大家去日本旅行會唔會都想花啲時間去近郊地區親親大自然呢？靜岡縣沼津市嘅 Inn the Park 就設計出可以住喺森林之中嘅營地，畀大家體驗特別嘅住宿之餘又可以望住美景放鬆身心～

Photo from Inn the Park

Inn the Park 前身係「少年自然之家」，用嚟畀小朋友/青少年體驗自然活動，所以場地有約 60 萬平方米嘅森林，仲有一啲舊有公共設施。而 Inn the Park 接手地方之後就重新規劃地方，變成東京熱門嘅觀光營地～

Photo from Inn the Park

Inn the Park 一共有三種房型，第一種係將舊設施改建而成嘅普通住宿房間（宿泊棟），入面就會有齊晒現代嘅傢俬，仲可以成棟包起嚟住，啱晒成堆朋友一齊嚟玩！

Photo from Inn the Park

第二種就係森林入面嘅球體帳篷，佢會架喺木平台之上，夜晚仲可以透過天窗睇星添～

Photo from Inn the Park

第三種係最特別最引人注目嘅房型，就係懸浮喺森林之中嘅球體帳篷啦！由於佢係懸吊嘅關係，所以喺入面可能會覺得有啲搖搖下。但因為佢真係好靚同好貼近自然，所以佢都相當搶手！

Photo from Inn the Park

大家除咗可以喺 Inn the Park 戶外進餐之外，仲可以參加唔同自然活動，例如做 spa、採摘野菜等，仲可以親手用自然材料去製作唔同嘅手工添～

Photo from Inn the Park

下次到靜岡玩，不妨到 Inn the Park 體驗下住喺森林入面嘅感覺啦～

在 Instagram 查看這則貼文

朝晩の空気が秋を感じとれるくらいになってきて、ますます芝生の広場が気持ちがいい時期となりました。もちろんテントの中で過ごす時間もほっこりのんびり出来ますよ。これからのシーズンにもってこい！ #泊まれる公園innthepark #泊まれる公園インザパーク #泊まれる公園 #innthepark #インザパーク #リノベーション #公園 #park #沼津 #少年自然の家 #愛鷹公園 #愛鷹広域公園 #三島 #球体ホテル #静岡 #球体テント #テント #自然 #愛鷹運動公園 #森林浴 #ドーム型テント #グランピング #アウトドア女子 #アウトドア #outdoor #camping #hangingtent #glamping #ashitaka #stayhometown

泊まれる公園 INN THE PARK（@inn_the_park）分享的貼文於 PDT 2020 年 9月月 29 日上午 2:07 張貼