【BNO移民英國】天氣變幻莫測 濕凍/多雨/夏冬日照時間差距大
隨住英國宣布修改對持有BNO及親屬嘅入籍資格途徑後，愈嚟愈多港人考慮移民。但移居英國生活除咗要識應當地嘅生活之外，仲有一樣係同大家息息相關嘅，講緊嘅就係天氣。
唔少人曾經喺英國生活過嘅人都知道，英國嘅天氣有幾變幻莫測，甚至有人會以「善變過女人」嚟形容，事關英國嘅天氣可以係上一秒見到難得嘅太陽，但下一秒就可能會落雨。
其實英國係屬於多雨同多霧嘅國家嚟，平均降雨量達 500 毫米以上，不過就算落雨，通常都係毛毛雨嚟，但好多時會好大風，所以有遮都冇咩用。
英國嘅夏天平均約 18-22度，而入夜後就會降至 15 度以下，但都唔算好凍，只要準備秋天衫就OK。
此外，夏天嘅日照時間較長，到夜晚 8 點先開始入黑，活動起嚟都比較方便。
Photo from HolidaySmart
而冬天則比較多陰天同落雨嘅情況，嚴重起嚟可以整個冬天都見唔到一次太陽，平均溫度喺 4 度或以下，所以羽絨、頸巾、冷帽、手套都係必備之物嚟。
有一樣相信大家都比較難習慣嘅就係冬天嘅日照時間好短，每日大約下午 3 - 4 點就會天黑，返工嘅日子仲可能會全日都見唔到太陽添！
Photo from HolidaySmart
所以如果容易被天氣影響心情嘅人士想移民嘅話就要諗清楚喇！
最後小編提提大家，以上資料只供參考，真實情況視乎環境而定。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
