全港最大！九龍區首間戶戶小廚正式開幕　文記車仔麵/芽莊/Pololi/上海弄堂進駐　之後嗌外買又多個選擇喇～

隨住最近確診人數下降，唔少人都多咗出街行吓，但亦有部分人會為咗減少中招機會都會揀留喺屋企，但又唔想煮咗只好嗌外賣喇！近日手機外賣平台 Deliveroo 嘅第 4 間「戶戶小廚」正式喺九龍灣開幕，成為九龍區首間專營外賣及自取業務的中央廚房，為附近返工或居住嘅人士提供更多嘅外賣選擇。

今次依間位於九龍灣臨興街32號美羅中心嘅「戶戶小廚」，佔地約 3,000 平方呎，一共設有 7 個廚房，為彩虹、啟德、九龍灣、觀塘及牛頭角五個地區嘅食客提供外賣或自取服務。

Photo from Deliveroo

除咗有多間多元化餐廳（如PizzaExpress、魚生飯連鎖店Pololi、上海弄堂以及SoupDay）外，仲加入咗兩間全新餐廳正宗越南菜餐廳芽莊，以及榮獲米芝蓮推介的深水埗名店深水埗文記車仔麵。

Photo from Deliveroo

而嚟緊亦會有多個虛擬品牌輪流登場。

Photo from Deliveroo

即日起至 11 月 2 日，為慶祝新店開幕，顧客消費滿 $200 港元仲可以享有七五折優惠添！

Photo from Deliveroo

之後嗌外賣又多啲選擇喇！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）