屯門人氣章魚燒「屯の大阪章魚燒」葵涌廣場重開！真材實料全部即叫即製

屯門人氣章魚燒「屯の大阪章魚燒」兩年前宣布結業，近日於葵涌廣場重開，多種口味章魚燒，全部真材實料、即叫即製。大大粒章魚加爆多醬料，葵廣必食美食！

人氣章魚燒「屯の大阪章魚燒」喺屯門非常出名，有兩間分店：「紅橋店」及「蝴蝶店」，2018年宣布全線結業。

近日呢間人氣章魚燒小店再度歸來，進駐葵涌廣場重開，吸引唔少以前食客幫襯！

店內有多款不同口味嘅章魚燒，全部真材實料、即叫即製，大大粒章魚加爆多醬料。

而試業一星期已有好多人特登去支持，店主超感動：「呢幾日聽得最多客人既說話係「加油啊你地」，真係覺得好感恩??」

好多食客食完都話回憶返晒嚟！更有人專程從屯門搭車出葵廣幫襯添！

屯の大阪章魚燒 TMTakoyaki

地址：葵芳葵涌廣場3樓摩登世界1號舖（Jollibee快樂蜂對面）

圖片來源:屯の大阪章魚燒 TMTakoyaki

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）