朱凌凌金髮女友「真面目」曝光！嚇人間尺鼻真身被指與IG照片差好遠

TVB《愛回家之開心速遞》中飾「朱凌凌」嘅吳偉豪外貌俊朗，被發現與金髮女友Charlotte去酒店Staycation。女方更大佢10歲，吳偉豪低調認愛。日前更被拍得一同洗車，Charlotte「真面目」曝光，被指與IG照片差好遠，屬「照騙」。

TVB處境劇《愛回家之開心速遞》播出後每晚陪伴港人，其中飾演「朱凌凌」一角嘅吳偉豪亦成功入屋。

吳偉豪今年22歲，外貌俊朗，早前被發現與金髮女友Charlotte去酒店Staycation，有指女方今年32歲，比吳偉豪大10歲。事後吳偉豪低調認愛，但無回應女友年齡等問題，想保護呢段「姊弟戀」。

而女方嘅IG照片亦隨即被公開，有唔少性感相片大曬身材。

日前佢同女友再被拍得一齊去洗車，女友Charlotte「真面目」被公開，同IG照片相差甚遠。

可左右滑動看圖：

有網民指吳偉豪女友豆豉眼、間尺鼻、高顴骨非常嚇人，又話佢似花木蘭、老夫子角色，更有網民話金城安女裝仲靚女添！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）