端午節食靚粽! 稻香三款冬葉粽，究竟蘸糖定豉油好呢？

今個月尾（5月30號）就係端午節啦！大家準備好靚粽迎接端午節未呢？無論係傳統口味，定係加入創新元素嘅粽，都係端午節必食！而香港人習慣蘸糖或者點豉油食，但粽用咩葉嚟包你又知唔知呢？原來大有學問！

Photo from pinterest

平時比較常見嘅係竹葉包成嘅粽，每個地區都會用唔同種類嘅葉包粽～

Photo from pinterest

而稻香今年用上肇慶獨有嘅『冬葉』（左：冬葉／右：竹葉）形狀似芭蕉葉，而且明顯冬葉色澤比較翠綠

正正因為冬葉有豐富嘅「葉綠素」，用冬葉包嘅粽可以保持新鮮防腐，對人體仲好有益！絕對係裹蒸粽嘅靈魂，獨有一陣陣幽香，係荷葉或者普通糭葉無嘅！

Photo from pinterest

稻香今年推出咗三款粽子套裝，小編即刻試試佢！外層糯米真係滲透住冬葉嘅清香，加埋餡料入面嘅瑤柱、鹹蛋黃、綠豆、五花腩一齊食～不得了呀！

 $78蚊就可以買到兩大隻瑤柱裹蒸粽，相當抵食啊！

另外，風味裹蒸三寶粽套裝入面既五穀紫米粽，食落有咬口， 比起平時用糯米更加健康！

而且全部粽都係人手包以明火煲煮八小時，傳統嘅味道出曬嚟！份量十足又好味 ，好鬼抵食呀～買番去同屋企人端午節食粽應下節啦!

稻香三款粽子套裝
「皇牌瑤柱裹蒸粽」兩隻瑤柱裹蒸粽  $78
「風味裹蒸三寶粽」瑤柱裹蒸粽、五穀紫米粽、香菇板栗鹹肉粽  $85
「特色裹蒸鹹肉粽」瑤柱裹蒸粽、冬葉鹹肉粽 $85

詳細資料，請瀏覽：
http://bit.ly/2pXjdF7

Presented by: 稻香集團