今個夏天去夏威夷啦！山谷之島茂宜島必去3大美景～全美最美沙灘真心超級靚！

香港人去旅行嘅次數可以話係非常多，開Facebook、Instagram望一望就已經可以見到某某人去旅行既相，不過日本韓國台灣去得多，有時候都想去下特別少少既地方…而夏威夷既茂宜島就夠晒特別又好玩！

茂宜島係夏威夷既第二大島，由於大自然景觀實在靚得太誇張，令人覺得自己去咗天堂，所以有「山谷之島」既別名。咁點解小編要特別介紹比大家呢？

Photo from 度新假期

因為茂宜島有全美最靚既海灘、景色壯麗既哈來亞卡拉火山同埋全美其中一條最美麗公路～一生人唔去一次點得啊？

1. 卡納帕利海灘（Kaanapali Beach）

潔白沙灘、清澈到可以望到水底嘅海水，只要你去到現場，就會立即明白點解卡納帕利海灘會曾經獲評為「美國最美沙灘」～

Photo from 度新假期

Photo from 度新假期

而且係海灘最北面既峭壁黑岩（Puu Kekaa），每日日落時分都會有一位跳水者點燃沿峭壁擺放嘅火炬，然後跳落去。依一個峭壁跳水儀式大家一定要去睇！

2. 哈來亞卡拉火山（Haleakala）

當你登上哈來亞卡拉火山頂峰，你就會感受到何謂壯麗！一望無際既景色實在太誘人，特別係日出時分嘅畫面更加係美不勝收～

Photo from 度新假期

3. 哈納公路（Hana Road）

唔講你一定唔知～其實夏威夷都好適合自駕遊！例如獲稱為天堂公路（Road to Heaven）既哈納公路（Hana Road）就一定係自駕遊嘅首選聖地！

蜿蜒嘅哈納公路兩旁景色如人間仙景般美麗，一邊係汪洋大海、另一邊係一個又一個瀑布，真係點睇都唔會厭～

Photo from 度新假期

其實茂宜島仲好適合情侶一齊去～點解？你望下王貽興同佢bb玩得幾開心就知！好羨慕佢bb！如果唔想自行plan行程，度新假期（www.tmhhk.com/hawaii）都有一系列既行程比大家揀，資料夠晒齊全！最重要係，度新假期會幫大家搞掂晒去旅行既麻煩事～

仲諗？同老闆請假啦！

Presented by:度新假期、Hawai'i Tourism Hong Kong

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載