朴敘俊孖好友崔宇植出演韓綜《尹食堂》第三季　Bromance滿滿嘅感覺

《尹食堂》係韓國熱門綜藝，喺海外人氣都相當高，依家《尹食堂》要迎來第三季啦！除咗原班人馬尹汝貞、李瑞鎮、鄭有美及「最型打工仔」朴敘俊之外，主演《上流寄生族》嘅「佢」都決定加入！

《尹食堂》係一個真人秀節目，喺外國開餐廳，由成員一手一腳經營。第一季喺印尼拍攝，第二季喺西班牙拍攝，由於疫情關係，嚟緊第三季據傳將會喺濟州島拍攝。

Photo from tvN

Photo from tvN@YouTube

今次第三季除咗有朴敘俊之外，主演《上流寄生族》嘅崔宇植都決定加入！朴敘俊同崔宇植初出道時就係好朋友，喺《上流寄生族》入面朴敘俊都有友情客串㗎！而崔宇植亦憑《上流寄生族》爆紅。今次兩人攜手出演綜藝，相信會展現濃濃嘅「Bromance」～

Photo from bn_sj2013@IG

Photo from dntlrdl@IG

Photo from bn_sj2013@IG

除咗有好友朴敘俊之外，崔宇植早前都同鄭有美合作拍攝韓綜《暑假》，今次又再次合作，相信一定默契滿分！朴敘俊當時都有喺《暑假》擔任嘉賓㗎！

Photo from tvN@YouTube

《尹食堂》第三季預計將會喺 2021 年播出，相信到時又會成為熱話～

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）