鬧市週末室外咖啡探索「露營」體驗 專家/達人教授朱古力拉花、環保咖啡盆景、DIY工作坊【內附登記連結】

近年唔少香港人對品味咖啡嘅要求愈嚟愈講究，有人仲會為咗每日都可以飲到杯靚咖啡，專程去上堂添！而星期六、日特色嘅咖啡店更係唔少咖啡迷嘅「蒲」點嚟。而尖沙咀海港城除咗引進唔少人氣咖啡店外，仲會喺於「海運觀點」舉辦適合一家大小參與戶外咖啡工作坊，以不同形式推廣咖啡文化。

海港城繼去年舉辦烘焙咖啡節《Brew in the City》，讓大家一次過細味多款本地及海外品牌嘅特色咖啡後，今年將再於 10 月 31 日至 11 月 15 日連續 3 個周末舉行戶外咖啡工作坊。參加者可於設有 6 個特色露營帳篷嘅「海運觀點」草坪上、睇住迷人維港景致，以嶄新視野體驗咖啡。

工作坊請嚟多位咖啡達人、藝術家、園藝家、手作家、社企及環保團體等，運用咖啡、創意、藝術、環保等元素，每日舉辦兩場各 1 小時嘅戶外咖啡工作坊體驗活動。

戶外咖啡工作坊詳情：

咖啡活動包括︰
。《咖啡風味帶你去旅行》導師將教大家選用輕便式濃縮咖啡工具喺戶外製作 Espresso
。《親子Latte Art 工作坊》讓小朋友跟父母一齊以佢哋最愛嘅朱古力學習咖啡拉花
。《環保咖啡盆景 rock & roll》以咖啡廢物製作粉飾家居環保盆景
。《咖啡麻布袋繪畫坊》咖啡袋是不少咖啡愛好者渴望收藏的物品之一，透過多元化嘅活動啟發小朋友創意，為咖啡豆麻布袋延續生命，教小朋友在咖啡豆麻布袋上畫維港景。
。《Mango Naoko 貓咪遊維港》請嚟愛畫貓咪嘅著名日籍插畫師 Mango Naoko，同大家將貓咪及香港維港靚景畫喺環保咖啡杯上
。《PlantPlant Movement 工作坊》由園藝師以日本研發十年嘅無土綿種植技術，指導大家種植咖啡樹苗。

更多活動詳情可於官網瀏覽或致電顧客熱線：2118 8666 查詢。

日期︰2020年10月31、11月1、7、8、14及15日 (星期六及日)
時間︰ 下午 3 時至 4 時、下午 4 時 30 分至 5 時 30 分

參加辦法︰

1) 於網上登記：Link
2) 每組參加者（最多 4 人），報名費為 $100 港元，收益將全數撥捐香港公益金

註：活動名額有限，需網上登記，先到先得。

此外，商場仲有唔少人氣咖啡店，如：Cupping Room 以及 Expresso Alchemy 即將進駐，畀大家浸醉喺咖啡文化之中，度過慢活嘅時光。

各位咖啡迷記得唔好錯過喇！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）