亞視經典烹飪節目《方太美食廣場》86 歲方太想再開節目教煮餸

亞視嘅《方太美食廣場》相信係烹飪節目嘅經典，而主持「方太」任利莎已經 86 歲，不過依然非常精神，除咗出烹飪書之外，仲開埋個人社交平台。

方太出身上海官宦之家，爸爸係國民大總統嘅愛將，有三位太太，方太媽媽排行第三。方太 14 歲時家道中落，舉家搬到香港，而佢未滿 18 歲時已經結婚，可惜最後離婚收場。之後方太獨立養大五個仔女，因為生活辛勞導致椎骨發炎，之後仲患上白內障，其後接受治療及手術。

Photo from MrsLisaFong@Facebook

Photo from MrsLisaFong@Facebook

方太喺 70 年代加入麗的電視（亞洲電視前身）主持烹飪節目，大受歡迎，喺 80 年代仲推出家庭雜誌《方太世界》。方太教嘅餸菜非常貼地，選用嘅食材都係日常生活所用，因此非常受家庭主婦歡迎。

Photo from 《方太美食廣場》

Photo from 《方太美食廣場》

方太喺開設嘅個人社交平台中，間唔中都會露兩手，同大家分享自己嘅拿手小菜～

Photo from MrsLisaFong@Facebook

Photo from MrsLisaFong@Facebook

早年方太為咗方便照顧孫仔，決定移居新加坡。現時佢已經係新加坡公民，不過就表示希望之後有機會再主持烹飪節目。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）