【全民造星3】監製花姐踢爆袁晴晴假面　喪鬧：不停諗靠新聞紅呀！

ViuTV選秀節目《全民造星III》尋晚首播！今季改為男女混賽，主要招募已經入行嘅人士參加比賽。參賽者除咗有 E-Kids 成員 Alan （林詠倫）、前女團 As One 成員 陳葦璇（Kayan）等人外，仲有自稱入行 11 年嘅袁晴晴（Coco）!

Photo from 《全民造星III》

第一集已經火藥味濃，相當有睇頭！由於節目監製花姐（黃慧君）認為今屆嘅參賽者質素參差，有啲唔止唱歌走晒音，仲態度輕挑、唔認真，最後就「捉」咗 5 位表現最差嘅參賽者出嚟兜口兜面鬧，仲勸佢哋考慮退賽，其中包括晴晴。

Photo from 《全民造星III》

多位參賽者返到後台後都因為花姐嘅說話而喊爆，但相反晴晴就笑臉迎人，仲喺茶水間接受訪問！

Photo from 《全民造星III》

其後花姐叫返「最差五人組」上台，問吓佢哋會唔會退賽，除晴晴外，四人都表示唔會退賽！

Photo from 《全民造星III》

當鏡頭轉至晴晴時，花姐明顯鬧得仲甘，大爆佢人前人後兩個樣，仲話：「啱啱我見到一個 shot 就係，我見你喺 pantry好開心咁做緊訪問。所以麻煩你，唔好畀呢個樣我睇。」

Photo from 《全民造星III》

Photo from 《全民造星III》

花姐仲大鬧晴晴淨係識靠負面新聞上位，晴晴當然係繼續擺出慘慘樣，仲喊爆話其實自己係女仔，都好想靠正面形象而紅！

Photo from 《全民造星III》

花姐乘勝追擊，表示晴晴不停咁諗住靠新聞而紅，仲話：「你不停同我講你唔想要 negative 嘅形象，但你不停地同人講你係做花瓶呀！」

Photo from 《全民造星III》

Photo from 《全民造星III》

晴晴喺參加《造星III》前都的確係靠負面新聞而為人所知，最轟動嘅當然就係 2 年前佢出席見面會時畀一位中年粉絲「占士邦」當街求婚，但就被當街狂串無樓無車無豪宅，事件仲紅至馬來西亞、台灣等地！

但節目就留低懸念，仲未交代到晴晴有無得留低。

Photo from 《全民造星III》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）